Kaffihúsið Paradís opnar í Munaðarnesi

Kaffihúsið Paradís opnar í þjónustumiðstöðinni í Munaðarnesi föstudaginn 9. júní og verður opið í allt sumar fram til 20. ágúst. Þar verður m.a. á boðstólum nýbakað brauð mánudaga, miðvikudaga og laugardagsmorgna. Einnig verður starfrækt lítil verslun eins og undanfarin sumur. Þá verða ýmsar uppákomur í sumar í tengslum við Þjónustumiðastöðina, t.d. verður hægt að horfa á beinar útsendingar frá HM á meðan á heimsmeistaramótinu stendur. Sunnudaginn 10. júní verður menningarhátíð BSRB í Munaðarnesi eins og áður hefur verið greint frá.

Sjá nánar

Kalda vatnið í Munaðarnes

Nú er þeim langþráða áfanga náð að tengja Munaðarnes við vatnsveitu Orkuveitu Reykjavíkur, sem lögð verður um allan Borgarfjörð. Það gerðist um síðustu mánaðarmót. Enn er eftir að tengja Stóru Skóga við vatnsveituna en það mun gerast á næstu dögum.

Orlofsbyggðir BSRB tilheyra ásamt Bifröst 1. áfanga framkvæmdarinnar. Vatnsbólið er í Grábrókarhrauni og mun vatnsveitan sjá öllu Borgarfjarðarhéraði fyrir köldu vatni í framtíðinni.

Aðalfundur STÓL

Aðalfundur STÓL fyrir árið 2005 var haldinn í húsi eldri borgara fimmtudaginn 1. júní 2006.

Á dagskrá voru venjuleg aðalfundarstörf, flutt skýrsla stjórnar og farið yfir reikninga félagsins og þeir samþykktir.

 

Kosin var í stjórn og nefndir skv. 6. gr. laga STÓL

Í stjórn STÓL sitja:

formaður;                Guðbjörn Arngrímsson     Grunnskóla,
ritari;                       Róslaug Gunnlaugsdóttir  Heilsugæslu
gjaldkeri;                 Hafdís Jónsdóttir              Bæjarskrifstofu,
varaformaður;          Haukur Sigurðsson          Íþróttamiðstöð,
meðstjórnendur;       Guðbjörg Þorsteinsdóttir   Leikhólum
                               Rósa Óskarsdóttir            Hornbrekku.


Á fundinn mættu 14 félagsmenn