Orlofshúsið á Spáni

 Umsóknarfrestur um orlofshúsið á Spáni rennur út föstudaginn 19. febrúar, því er hver að vera síðastur að sækja um.

 

Orlofsnefndin

Skrifað undir kjarasamning við SFV vegna Hornbrekku

 

Í morgun var skrifað undir nýjan kjarasamning við SFV vegna Hornbrekku.

Samningurinn gildir frá 1. maí 2015 til 31. mars 2019 og er sambærilegur við þá samninga sem gerðir hafa verið á undaförnum mánuðum.

Samningurinn verður kynntur starfsmönnum Hornbrekku á næstu dögum.

Helstu breytingar eru þessar:

  • Við upphaf samnings eða 1. maí 2015 hækka launataxtar um 25.000 kr. en þó að lágmarki um 7,7%.
  • Þann 1. júní 2016 hækka launataxtar um 15.000 kr. en þó að lágmarki um 5,5%.
  • Þann 1. júní 2017 kemur inn ný launatafla þar sem bil á milli launaflokka verður leiðrétt í 1,1% á milli flokka, til samræmis við þá niðurstöðu sem samið var um 1. maí 2014, lágmarki 2,5% hækkun sem er tryggð.
  • Þann 1. júní 2018 hækka launataxtar um 2%.
  • Sérstök eingreiðsla kemur 1. febrúar 2019 að upphæð kr. 42.500, miðað við þá sem eru í fullu starfi í desember 2018 og enn í starfi í janúar 2019. Greitt er hlutfallslega fyrir þá sem eru í hlutastarfi.
  • Desemberuppbót hækkar um 21% á samningstímanum og fer í 113.000 kr. í lok samnings og orlofsuppbætur um 23% verða 48.000 kr. í lok samningstímans.
  • Persónuuppbót/desemberuppbót á samningstímanum verður sem hér segir:
    Á árinu 2015 kr. 100.700.
    Á árinu 2016 kr. 106.250.
    Á árinu 2017 kr. 110.750.
    Á árinu 2018 kr. 113.000.

 

Kjarasamninginn má finna hér á heimasíðunni undir kjarasamningar.

Guðbjörn

Breyting á umsóknarfresti um orlofshúsið á Spáni.

Þann 10. janúar var opnað fyrir umsóknir vegna páska- og sumarstímabils fyrir Spánarhúsið 2016, ábendingar hafa komið um að umsóknarfresturinn væri of rúmur og er hér með brugðist við því. Umsóknarfrestur er því til 19. febrúar, bæði fyrir páska og sumartímabil, sjá hér fyrir neðan.

 

Umsóknartímabil fyrir páska opnar 10. janúar til 19. febrúar.

Umsóknartímabil fyrir sumarið opnar 10. janúar til 19. febrúar.

Úthlutað er til félagsmanna vikuna eftir lokun umsóknartímabila.

Tveggja-vikna tímabil, ekki verður hægt að fá staka viku á þessum tímabilum.

Tímabilið kostar 72.000 kr.

22. mars – 5. apríl, páskar.

17. maí – 31. maí          31. maí – 14. júní

14. júní – 28. júní          28. júní – 12. júlí

12. júlí – 26. júlí            26. júlí – 9. ágúst

9. ágúst – 23 ágúst        23. ágúst – 6. sept.


Á öðrum tímum verður hægt að kaupa 1 eða 2 vikur að vild. Vikan kostar 37.000 kr.

Upplýsingar um húsið má finna inn á heimasíðu www.tilspanar.is

Nánari upplýsingar hafa verið sendar í tölvupósti til félagsmanna. Ef einhver félagsmaður hefur ekki fengið póst er viðkomandi beðinn að hafa samband við Guðbjörn í síma 899-6213

Orlofsnefndin