41. þing BSRB

41. þing BSRB verður haldið dagana 25. til 27. október á Grand Hóteli í Reykjavík. Þingsetning er kl. 13.00 miðvikudaginn 25. október. Þingið er opið fjölmiðlum. Þing BSRB eru haldin þriðja hvert ár. Á þinginu er stefna bandalagsins til næstu þriggja ára mótuð en þingfulltrúar eru um 220 talsins. Þá er kosið í framkvæmdanefnd BSRB en hana skipa formaður, tveir varaformenn, gjaldkeri og ritari.

Fulltrúar STÓL á þinginu eru Guðbjörn Arngrímsson formaður og Hafdís Jónsdóttir gjaldkeri.

Sjá nánar

Námskeið um stjórnsýslurétt fyrir starfsmenn sveitarfélaga

Í nóvember og desember nk. mun Stofnun stjórnsýslufræða og stjórnmála við Háskóla Íslands bjóða í fyrsta skipti upp á sex vikna námskeið um stjórnsýslulögin og stjórnsýslurétt. Námskeiðið er sérstaklega ætlað öllum stjórnendum og starfsmönnum sveitarfélaga sem koma að meðferð mála og undirbúningi ákvarðana. Áður hefur námskeiðið verið haldið þrisvar fyrir bæði starfsmenn ríkis og sveitarfélaga. Áform eru um að kenna námskeiðið í fjarfundabúnaði á vormánuðum 2007.

Sjá nánar

Jólahlaðborð í Munaðarnesi

Jólahlaðborð verður í Kaffi Paradís í Munaðarnesi dagana 24. og 25. nóvember og 1. og 2. desember. Lifandi tónlist er á meðan á borðhaldi stendur og leikur hljómsveitin Gammel dansk fyrir dansi að borðhaldi loknu. Einnig er hægt að sérpanta hlaðborðið fyrir stærri hópa á öðrum dagsetningum. Stórsniðugt er fyrir stóra sem litla vinnustaði, vini, fjölskyldur og aðra hópa sem vilja upplifa frábæra stemningu í fallegu umhverfi. Verð: 5.500 kr. Borðapantanir og upplýsingar í síma 525-8441. Tilvalið er að nýta sér samhliða sumarhúsaleigu BSRB í Munaðarnesi. Upplýsingar á skrifstofu BSRB í síma 525-8300.

Sjá nánar