Orlofsuppbót 2015

Þar sem ekki hefur verið gengið frá kjarasamningum sem taka eiga við af núverandi samningum verður orlofsuppbót óbreytt frá 2014. Verði samið um hærri uppbætur í komandi samningum þá verður mismunurinn leiðréttur.

En orlofsuppbótin 2014 var sem hér segir:

Hjá starfsmönnum heilsugæslu og MTR kr. 39.500,- og kemur til útborgunar 1. júní.
Sjá gr. 3.2.2 í kjarasamningi aðila: Hinn 1. júní ár hvert skal starfsmaður sem er í starfi til 30. apríl næst á undan, fá greidda sérstaka eingreiðslu, orlofsuppbót, er miðast við fullt starf næstliðið orlofsár. Greitt skal hlutfallslega miðað við starfshlutfall og starfstíma.

Hjá starfsmönnum Fjallabyggðar og Hornbrekku kr. 39.000,- og kemur til útborgunar 1. maí.

Sjá grein 1.8.1 í kjarasamningum aðila: Hinn 1. maí ár hvert skal starfsmaður sem er í starfi til 30. apríl fá greidda eingreiðslu, orlofsuppbót, er miðast við fullt starf næstliðið orlofsár. Greitt skal hlutfallslega miðað við starfshlutfall og starfstíma.