DESEMBERUPPBÓT 2013

Í ár er persónuuppbót skv. grein 1.7.1 í kjarasamningi SNS vegna starfsmanna Fjallabyggðar og kjarasamningi SFH vegna starfsmanna Hornbrekku, kr. 80.700 fyrir fullt starf.

Starfsmaður í fullu starfi fær greidda desemberuppbót (persónuuppbót) 1. desember ár hvert. Með fullu starfi er átt við 100% starf tímabilið 1. janúar til 30. nóvember sama ár. Hafi starfsmaður gegnt hlutastarfi eða starfað hluta úr ári, skal hann fá greitt miðað við starfshlutfall og/eða starfstíma, þó þannig að hann hafi starfað samfellt a.m.k. frá 1. september það ár.

Sjá nánar í grein 1.7.1 í kjarasamningi aðila

Persónuuppbót starfsmanna Heilsugæslu og Menntaskólans á Tröllaskaga sem fá laun eftir kjarasamningi við SNR er kr. 52.100.

Starfsmaður sem er við störf í fyrstu viku nóvembermánaðar skal fá greidda persónuuppbót 1. desember ár hvert miðað við fullt starf tímabilið 1. janúar til 31. október. Persónuuppbót er föst krónutala og tekur ekki hækkunum skv. öðrum ákvæðum kjarasamningsins. Á persónuuppbót reiknast ekki orlofsfé. Hafi starfsmaðurinn gegnt hlutastarfi eða unnið hluta úr ári, skal hann fá greitt miðað við starfshlutfall á framangreindu tímabili.

Sjá nánar í gr. 1.7.1 í kjarasamningi aðila