Stytting vinnuvikunar.

 

Ágætu félagsmenn

Undir flýtileiðum hér til hægri á síðunni er hlekkur sem heitir Stytting vinnuvikunar.

Þar er fjallað ítarlega um styttingu vinnuvikunnar á vinnustöðum þar sem unnið er í dagvinnu. Fyrsta skrefið í ferlinu er  að stofna vinnutímanefnd með fulltrúum starfsfólks og stjórnenda á hverjum vinnustað sem undirbýr breytinguna og leiðir samtalið á vinnustaðnum.

Stytting vinnuvikunnar er eitt stærsta viðfangsefni BSRB og aðildarfélaga þess. Á einhverjum vinnustöðum er samtalið þegar hafið og á öðrum hefst það á næstunni.  Mikilvægt er að áður en sú vinna fer af stað að fólk hafi sem besta yfirsýn og upplýsingar um verkefnið.

Aðildarfélög BSRB munu standa með misjöfnum hætti að kynningu og undirbúningi til sinna félaga en á sameiginlegu borði BSRB er unnið að kynningarefni sem verður birt hér á þessum stað um leið og það kemur.

Samkvæmt nýlegum kjarasamning er gert ráð fyrir að nýtt fyrirkomulag vinnutíma í dagvinnu taki gildi eigi síðar en 1. janúar 2021 og í vaktavinnu 1. maí 2021.

Sameiginlegt verkefni okkar allra og vinnustaðanna er að ná samkomulagi um breytt skipulag vinnutíma og styttingu vinnuvikunnar niður í 36 stundir, það er til mikils að vinna í þessu tímamóta umbótarverkefni.  

Með baráttu kveðju,

Guðbjörn Arngrímsson

Formaður St. Fjallabyggðar.

Raunfærnimat í boði um allt land

 

Fræðslusetrið Starfsmennt hefur tekið saman lista yfir þau raunfærnimatsverkefni sem eru í gangi hjá fræðslu- og símenntunarmiðstöðvum um allt land. Raunfærnimat getur mögulega stytt nám og verið fólki hvatning til að ljúka því.

Raunfærnimat er ætlað fólki 23 ára og eldra sem er með að lágmarki þriggja ára starfsreynslu í sinni starfsgrein. Á haustönn 2020 verða fjölmargar leiðir í boði fyrir fólk í ýmsum starfsstéttum. Nánari upplýsingar veitir hver miðstöð fyrir sig.

 
Norðurland vestra
  • Farskólinn: Leikskólaliði, stuðningsfulltrúi og félagsliði.
Norðurland eystra
  • Símey: Fiskveiðar, fiskvinnsla, netagerð, matartækni, matsveinn, skipstjórn, vélstjórn, félagsliði, leikskólaliði, stuðningsfulltrúi, félagsmála- og tómstundafulltrúi.
  • Þekkingarnet Þingeyinga: Félagsliði, leikskólaliði og stuðningsfulltrúi.

Félagsmenn eru hvattir til að skoða þetta enda er þetta félagsmönnum að kostnaðarlausu.

 

Guðbjörn 

 

Breytingar á orlofspakka Samflots 2020

 

Ágæti félagmaður.

Nú er sumarið alveg að detta á hjá okkur og þá ætlum við að leika okkur innan lands að mestu leiti. Hér eru nokkrar upplýsingar um breytingar á því sem við bjóðum upp á í orlofspakkanum okkar, svo er alltaf gott að skoða orlofsblaðið, bara svona til upprifjunar. Sjá hér til hægri.

Allir 8 bústaðirnir okkar eru að verða fullsetnir til 14. ágúst og sumir lengur, en það er um að gera að fylgjast með ef eitthvað losnar og skoða þær vikur sem eru í boði enn.

Við erum líka með hótelgistingu á landsbyggðinni, Íslands-hótel (Foss-hótelin), Icelandairhótelin, Hótel Eddu og KEA-hótelin á Akureyri, Reykjavík og Vík í Mýrdal.

Öll þessi hótel eru nú búin að framlengja vetrarverðið hjá sér og gildir það í sumar. Það er allt að 50% lækkun á gistimiðum og að auki bjóða sum hótelin upp á ódýrari pakka og þá geti þið keypt þá beint af hótelunum ef þeir eru lægri en fasta verðið á gistimiðunum. Við hvetum ykkur til að kynna ykkur verð og tilboð hjá þessum hótelum. Og þá má ekki gleyma Hótel-Vestmannaeyjar sem bjóða okkur velkomin í allt sumar með tilboðum frá mánudegi til fimmtudags í júní, júlí og ágúst. Stutt að fara með Herjólfi frá Landeyjarhöfn.

Við lokuðum Mosfelli, íbúðinni okkar á Torrevieja á Spáni vegna ástandsins í heiminum en ef eitthvað liðkast til seinnipartinn í sumar munum við skoða hvort við opnum þar aftur, annars förum við bara á næsta ári. Íbúðirnar okkar í Reykjavík eru opnar og þar er helgaropnun í allt sumar.

Við erum greiðum líka niður Veiði- og Útilegukortið sem þið getið keypt hjá okkur.

En um að gera að fylgjast vel með orlofspakkanum okkur á vefnum (hægt að fara á hann af heimasíðum félaganna og heimasíðu Samflots, samflot.is), þar birtast breytingar um leið og þær gerast, því er gott að fara reglulega inn og skoða, sem og fletta orlofsbæklingnum, ef þið eruð í ferðahugleiðingum.

Með von um gott og gleðilegt sumar,

f.h. orlofsnefndar Samflots

Guðbjörn Arngrímsson

S: 899-6213