Um áramót er við hæfi að líta yfir farinn veg og hugleiða framtíðina. Árið hefur verið viðburðaríkt hjá BSRB og vil ég þakka öllum þeim sem hafa komið að störfum bandalagsins hjartanlega fyrir þeirra framlag. Árið hefur um margt verið erfitt fyrir aðildarfélög bandalagsins og félagsmenn þeirra - enn eitt ár niðurskurðar og sparnaðar. Þótt hollt sé að líta um öxl tel ég þó mikilvægara að horfa til framtíðar.

Stjórn Starfsmannafélags Fjallabyggðar sendir félagsmönnum og fjölskyldum þeirra, sem og öllum lesendum heimasíðurnnar, hugheilar jólakveðjur og óskir um gott nýtt ár .

Megi friður og farsæld ríkja hjá ykkur öllum á komandi ári.

Stjórn St. Fjall.

Í ár er persónuuppbót skv. grein 1.7.1 í kjarasamningi SNS vegna starfsmanna Fjallabyggðar og kjarasamningi SFH vegna starfsmanna Hornbrekku, kr. 75,500 fyrir fullt starf.

Starfsmaður í fullu starfi fær greidda desemberuppbót (persónuuppbót) 1. desember ár hvert.  Með fullu starfi er átt við 100% starf tímabilið 1. janúar til 30. nóvember sama ár. Hafi starfsmaður gegnt hlutastarfi eða starfað hluta úr ári, skal hann fá greitt miðað við starfshlutfall og/eða starfstíma, þó þannig að hann hafi starfað samfellt a.m.k. frá 1. september það ár. Sjá nánar í grein 1.7.1

Persónuuppbót starfsmanna Heilsugæslu og Menntaskólans á Tröllaskaga sem fá laun eftir kjarasamningi við SNR er kr. 48.800 og sérstakt álag kr. 15.000 fyrir fullt starf.

Starfsmaður sem er við störf í fyrstu viku nóvembermánaðar skal fá greidda persónuuppbót 1. desember ár hvert miðað við fullt starf tímabilið 1. janúar til 31. október. Persónuuppbót er föst krónutala og tekur ekki hækkunum skv. öðrum ákvæðum kjarasamningsins. Á persónuuppbót reiknast ekki orlofsfé. Hafi starfsmaðurinn gegnt hlutastarfi eða unnið hluta úr ári, skal hann fá greitt miðað við starfshlutfall á framangreindu tímabili. Sjá nánar í gr. 1.7.1